Polomolok, South Cotabato – Nasunog ang mukabat sa tulo ka panimalay nga nahimutang sa Bayanihan Subdivision, Brgy. Magsaysay, Polomolok, South Cotabato pasado ala 1:00 sa hapon niadtong adlawng Sabado.
Matud sa usa sa mga nasunugan, nakurat nalang sila dihang nakit-an ang pag-ulbo sa kalayo sa usa ka balay nga gipanag-iyahan sa pamilyang Sumalapay nga nalimutang likod nga bahin sa ilang balay.
Paspas nga gilamoy sa kalayo ang maong balay hangtod nga nadamay ang ilang balay.
Matud sa Bureau of Fire Protection-Polomolok, posibleng dunay nabiling nakasaksak nga appliances o dili ba kaha electrical short circuit ang hinungdan sa sunog.
Human sa insidenti, gipahimangnuan sa BFP-Polomolok ang publiko nga mag-amping batok sunog, mas maayo nga siguruhong walay nabilin nga nakasaksak sa unsa mang appliances nga posibleng makamugna unya ug sunog.
