BACOLOD CITY – Tatlo ka mga drug personality ang nadakpan sa ginpatigayon nga buybust operation may mga las 2:30 sini gid lamang nga kaagahon sa Purok Golaluma II, Brgy. 25, Bacolod City.
Nakilala ang mga nadakpan nga amo sandasy Harold Hojilla, 46 anyos, kasado, pumuluyo sang amo nga lugar, Philip Mondecastro Alias Philip Batan, 32, residente sang Purok Adelfa, Rosario Lacson Street, Brgy. 25 kag Warlee Longno, 48 anyos, residente sang Burgos Ext., Brgy. Estefania, Bacolod City.
Nakuha sa possession sang mga suspek ang 16 tanan ka sachet sang suspected shabu, 300 nga marked money kag mga drug paraphernalia.
Ang buybust ginpatigayon sang Drug Enforcement Team sang Police Station 1 sa pagpamuno sang station commander sini nga si PC/Insp. Jovil Sedel./dyHB BACOLOD
