Tulo ka mga engkwentro ang natigayon tali sa Armadong Kusug sa Pilipinas ug rebelding New Peoples’ Army (NPA) dinhi sa rehiyon sa Caraga nga nasakop sa area of operation sa 4th ID Phil. Army.
Gitahu ni MGen. Ronald Villanueva, division commander sa 4th ID Phil. Army nga mga sakop sa Guerilla Front Committee 3 sa Southern Mindanao Regional Committee nga gikan pa sa Davao region ang na-engkwentro sa kasundaluhan.
Ang maong insidenti nasundan sa laing engkwentro nga natigayon didto sa Sitio Palilihan, Brgy. Mahanub, Gigaquit, Surigao del Norte diin milungtad sa pila ka minuto ang bakbakan sa lugar nga gikamatay sa usa ka miyembro sa NPA.
Narecover sab sa encounter site ang 1 ka AK47, 2 ka IED, mga magazines ug bala sa armas , 21 ka mga tents , 4 ka bag packs , cell phone, personal nga mga gamit ug mga subersibong dokumento.
Samtang nagpadayon ang hot pursuit operation sa ginsakpan sa 26th IB Phil. Army batok sa mga NPA nga na-engkwentro alas 11:30 sa buntag kagahapon didto sa brgy. Balita, San Luis, Agusan del Sur nga miresulta usa sa kamatayon sa usa ka sakop sa NPA ug narecover sa encounter site ang M16 riffle.
Hangtud karon wala pa nailhan ang napatay nga NPA. [image: npa.jpg]
