*Moises Padilla, Negros Occidental* – Tatlo ka mga sang Civilian Armed Force Geographical Unit (CAFGU) ang nagpositibo sa paggamit sang illegal drugs ang nagapangatubang sa karon sang dismissal sa military service ilabi na kon magpositibo ang mga ini sa himuon nga confirmatory tests.
Ini ang pahayag ni Col. Eliezer Losañes, ang 303rd Infantry Brigade commander sa interview sang dyHB-RMN Bacolod.
Suno kay Losañes, matapos gin-armahan, ang tatlo ka mga CAFGU members ang ginbalik na sang mga katapo sang Moises Padilla PNP sa Montilla Detachment nga nabase man sa amu nga lugar.
Ginpahayag naman ni Chief Inspector Allan Reloj, hepe sang Moises Padilla PNP nga ang drug testing ang ginpatigayon nila sa 29 ka mga CAFGU members matapos nakabaton sila sang inpormasyon nga pila sa ila ang naggamit sang iligal nga druga.
Ang drug testing ang ginmando mismo ni Moises Padilla Mayor Magdaleno Peña, nga nagaserbe man bilang consultant sang Philippine Drug Enforcement Agency (PDEA).
Una na nga ginpaidalom sa drug testing ang mga municipal employees, law enforcers, traffic enforcers kag mga barangay tanod.
Sang nagligad nga tuig, isa ka miembro sang the Sangguniang Bayan sang Moises Padilla kag iya nga bata lakip man ang isa man ka municipal employee ang nagpositibo sa drug test. /*dyHB-Bacolod*
