Gikumpirma ni Department of Social Welfare and Development (DSWD) Sec. Rolando Joselito Bautista nga tulo ka mga undersecretaries sa ahensua ang gitaktak ni Presidente Rodrigo Duterte.
Sumala ni Bautista sa usa ka interview, nga kini sila si Usec. Maria Lourdes Turalde-Jarabe sa Promotive Operations and Programs Group; Usec. Hope Hervilla sa Disaster Response Management Group; ug Usec. Mae Fe Ancheta-Templa sa Protective Operations and Programs Group.
Saysay pa sa kalihim, niadtong Nobyembre 14 pa gipadala ni Executive Secretary Salvador Medialdea ang notice of termination sa tulo ka mga opisyal.
Una nang gibutyag ni Presidente Duterte sa Filipino community sa Papua New Guinea niadtong Biyernes nga duna siya’y tangtangon nga opisyal sa gobyerno pagbalik niini sa nasud.
