Anaa karon sa kustodiya sa Philippine Drug Enforcement Agency kon PDEA-Bukidnon ang tulo ka mga drug personalities human nga nasikop sa tulo ka managlahing operasyon kagahapon sa kadlawon.
Sa interview sa RMN Malaybalay ngadto kang John Romy Echeveria, ang hepe sa PDEA – Bukidnon gibutyag niini nga gipangunahan mismo ni Regional Director Wilkins Villanueva ang dungan nilang pagsilbi sa Searh Warrant nga gi-isyu ni Hon. Isobel Barroso, Branch 8, Malaybalay City.
Apil sa mga nasikop ang gitudlong ikaduhang target sa regional level nga si Virgo Gempisao nga taga Purok 2, Barangay Dalwangan, Malaybalay City, Bukidnon. Nakumpika sa posisyon niini ang mga ebidensiya nga naglangkob sa 26 pcs sa shabu nga adunay 15 kapin kon kulang ka gramo ug gibana-banang adunay market value: nga Php 75,000.00; ug ubay-ubay nga mga paraphernalia.
Ikaduhang nadakpan mao si Angelo Mutia nga apil sa target list sa PDEA nga taga Brgy 7, Malaybalay City. Nakumpiska gikan sa posisyon sa suspek ang 14 ka shabu MOL 10 grams ug gibana-banang adunay market value: Php 50,000.00
Samtang ang usa ka suspek mao si John Grino Palamine apil nga sa target list nga taga- Phase I-NHA ,Brgy Casisang,Malaybalay City. Nakumpiska gikan niini ang 29 pcs shabu nga adunay kapin kon kulang ka gramo ug gibana-banang adunay market value: Php 35,000.00.
Si Virgo Gempisao maoy number 1 sa target list sa PDEA sa provincial level.
Matud ni Echeveria nga naghimo sila ug test buy sa maong mga suspek ug nagpositibo kini maoy hinungdan nga gipagawas ang usa ka search warrant batok niini.
