Detenado karong mga panahona sa mini cell sa Macabalan Police Station ang 3 ka mga minor de edad samtang gawasnon ang laing 12 ka mga batan-on, nga gitumbok nga suspect sa pagdunggab patay sa us aka 20 anyos nga lalake, kagahapong adlawa.
Ang biktima naila sa ngalan nga si John Vincent Abarquez, nga residente sa CElrai, Brgy. Puntod.
Matud ni Police Insp. Jessie Palencia, ang deputy station commander sa Macabalan Police Station, nga natulog lang kini biktima sa dihang gitabangan kini sa gibana-banang 15 ka mga bata-on og labay sa bato ug botelya dayong gitabangan og dunggab.
Gituohan nga ang mga suspect nag edad og 14 hangtod 17 anyos nga mga miembro sa grupong gitawag og Seagod of Explosion o naila usab sa tawag nga Tandog Bulabog, kinsa nalambigit usab sa paggamit og solvent.
Nagtuo ang kapulisan nga daan na nga nagdumot ang hinungdan sa maong pagpanunggab og possible nga nabulag sa grupo ang biktima og dihang nakita kini sa mga suspect, gitabangan kini og dunggab.
