General Santos City—Sikop sa gipahigayong sunod-sunod nga buy-bust operation sa mga personahe sa PDEA-12 ang tulo ka mga lambigit sa iligal nga niadtong milabayng nga adlaw.
Ang mga suspect ang gi-ila nga silang Rene Samson Angeles alyas Ren-ren, 38, residente ng Barangay Labangal; Melquesedic Layan Marquizo alyas Bapah Mar, 51 anyos nga nanimuyo sa silway Fatima, brgy Dadiangas West, ug Benjamin Cosip Lecaros alyas Benjie, 42 ug residente sa Purok Maharlika, Alabel, Sarangani Province.
Sumala pa nga una nang nasikop sa buy-bust operayon ang suspect nga si Angeles sa Osmenia Street, Alas 11:00 ang takna sa udto samtang gibutyag usab niini ang iyahang source hinungdan nga nasikop si Marquizo sa Rambutan Street, Brgy. Dad East, Gensan.
Alas 7:00 sa gabie subli usab nga nagpahigayon ug operasyon ang PDEA-12 kung asa nasikop usab si Lecaros, atubangan sa Sarangani Capitol Compound sa Alabel, Sarangani Province.
Susamang nakuhaan ug mga sachet sa gikatahapang shabu ug buy-bust money ang mga nasnagpit nga anaa na karon sa lock up cell sa PDEA 12.
Nasayran nga ang mga nasangpit nga suspect ang pulos migraduar sa SOCCSKSARGEN Drug Abuse Treatment and Rehabilitation Center sa Alabel, silang Lecaros ug Angeles samtang si Marquizo ang nakagawas sa prisohan human mi-avail ug plea bargaining program sa gobyerno.
Gi-andam na sa PDEA-12 ang kasong pagsupak sa RA-9165, sec 5 ug 11 sa art II batok sa mga nasangpit nga dinakpan.(CDS)
