General Santos City–Priso ang tulo ka suspek human nadakpan sa kasong slight Physical Injuries sa managlahing lugar niadtong nakalabayng adlaw.
Giila ang tulo ka suspek nga sila Shay Labores Odango alyas Jared James Labsores, 25 anyos; Mariz Claire Leyva Militante alyas Ashley Natividad Perez, 21 anyos; ug Siyah Morales Suan alyas Jayahh Camoy Recilla, 20 anyos .
Nasikop ang mga nasangpit sa mga pesonahe sa Police Station 3 atol sa ilang gipahimong Manhun Charlie Subay sa gahum sa Warrant of Arrest sa kasong Slight Physical Injuries nga may Criminal Case No.55104, 55105 ug 55106-1.
Ang warrant of arrest gipagula ni Honorable Judge Marie Ellengrid Baliguat sa Municipal Trial Court Branch 1, pinitsahan og Nobyembre 13, 2018.
Sa karon pabiling balhog sa selda sa Police Staion 3 ang mga suspek ug commitment order nalang ang gipaabot aron mabalhin sila sa Gensan City Reformatory Center apan posibling maangkon nila ang temporaryong kagawasan higayon nga sila makapyansa ug tag 3 mil ka pesos kada usa. (raven Joy Bucio)
