Davao city – Sikop ang tulo ka tawo nga dunay pending nga kaso sa mga korte sa probinsiya sa Davao Del Sur ug Davao Del Norte.
Ang mga nadakpan mao sila Armando Villegas, 45 anyos, minyo, mag-uuma nga taga Kapalong Davao Del Norte, Rey Llorando, 35 anyos, minyo, mag-uuma ug nagpuyo sa Barangay Dalawinon, Magsa-say Davao Del Sur ug laing usa ka Glyn Mansegiao.
Ang tulo gidakop sa ilang mga pinuy-anan subay sa orden de aresto nga gipagula sa mga korte sa Tagum City ug Bansalan Davao Del Sur.
Si Villegas dunay kasong paglapas sa RA 9262 kun violence against women and children ug si Llorando adunay kaso nga Frustrated Homicide ug ang korte nagrekumendar og 24 mil pesos nga bail bond.
Si Mansegiao nag-atubang usab og kasong robbery with arson sa wala mabutyag nga korte sa rehiyon onse.
RadyoMaN Joel Viray
