Niabot na ug tulo ang namatay tungod sa tipdas sa tibook Central Visayas region karong tuiga .
Ang uwahing namatay mao ang 2 anyos nga bata nga taga Pinamungajan samtang ang unang natala nga namatay gikan sa Moalboal ug San Francisco isla sa Camotes.
Ang mga bata nag-edad ug siyam ka buwan ngadto sa duha ka tuig.
Samtang ang Department of Health -7 nitala na usab ug 169 ka kaso sa tipdas giikan sa Enero 1 ngadto sa Pebrer0 12 karong tuiga .
Mas taas kini ug 1,436 % kaysa sa 11 ka kaso nga natala sa rehiyon sa 2018 sa susamang gidugayon.
Ang DOH-7 nagbutang ug measles vaccination post sa gawas sa ilang buhatan alang niadtong gustong magpabakuna batok sa tipdas ma-bata man o dagku.
Facebook Comments
