TACLOBAN CITY – Nakit-an mismo han mga otoridad an suspetsado nga mga online traffickers nga gin-aabuso hin sekswal an tulo nga kabataan nga nag-eedad 10, 12 ngan 16 anyos, ginpapahimo hin maglaw-ay nga butang ha online livestream nga mayada customers abroad nga nagkikita ngan nabayad han ira show.
Ha gindumara nga operasyon han PNP Women’s And Children’s Protection Center (WCPC) – Visayas Field Unit ngan Samar Police Provincial Office, naaresto an mga suspek ha magka-iba nga entrapment operations ha Sta. Margarita ngan ha Calbayog City, Samar.
Usa nga 33 anyos nga nanay an nadakop han mga operatiba ha Brgy. Cautod, Sta. Margarita, Samar, an iya 10 anyos nga anak nga babayi in nagbubuhat hin maglaw-ay nga butang online kabalyo hin 5,000 pesos tikang ha online customer. Narescue gihapon han mga operatiba an 4 nga kabataan nga nag-eedad 12, 7, 5 ngan 2 anyos tikang ha panimalay han suspek.
Arestado gihapon han mga otoridad an 20 anyos nga babaye nga taga Brgy. Obrero, Calbayog City, Samar matapos nag ig-offer niya an an 12 ngan 16 anyos nga kabataan online.
Sobra na bulan nga ginmomonitor han mga otoridad an mga kabataan ngan an mga suspek.
Ha interview han RMN kan PNP Samar Director PSSUpt. Nicolas Torre, cellphone na an gamit han mga suspek para magbuhat hin cyber pornography.
“Ang nakakalungkot dito sa latest na ating nahuli, ang nakuha natin ay dalawang cellphone. Ang ginagamit ng nanay ay isang cellphone na mumurahin pa anybody can buy and charger, yun lang ang nakuha natin.”
“Ibig sabihin lang nito na anybody, this crime can be done by anybody with 1,000 pesos capitalization.”
Papasakahan hin mga kaso nga Anti-Trafficking Persons Act, Anti-Child Pornography Act ngan Cyber Crime Prevention Act an mga suspek.
Paslak an na an mga ini ha Calbayog Police Station.
