Arestado ang tatlo ka mga persona nga nag-avail sang plea bargain agreement sa ginpatigayon nga buy-bust operations sang gintingob nga pwersa sang PDEA 12 kag nagkalain-lain nga units sang PNP sang Pebrero 12, 2020.
Alas 11 sang aga sa ginpatigayon nga buy-bust operation sang PDEA kag Koronadal City Drug Enforcement Unit sa Gensan Drive, Brgy. Zone 2, Koronadal City naaresto ang isa ka Darwin del Mundo Loplop* , *35, circus assistant kag residente sang Brgy. Poblacion, Tupi, South Cotabato.
Nakuha kay Loplop ang isa ka sachet sang suspected shabu may kabug-aton nga more or less one (1) gram kag nagakantidad sang Php 6,800.00.
Samtang pagka-alas 2:20 sang hapon sa ginpatigayon nga drug operation sang PDEA 12 kag Tampakan Municipal Police Station sa Mangga Street, Purok 2, Brgy. Maltana, Tampakan, South Cotabato naaresto naman si Ryan Roy Alvarez Aserios, 27-anyos, mangunguma kag residente sang Brgy. Maltana, Tampakan, South Cotabato.
Nakuha kay Aserios ang 5 ka sachets sang suspected shabu may kabug-aton nga more or less 0.05 gram.
Sa follow-up operation naman nga ginpatigayon sang operatiba alas 3:20 sang hapon batok sa source nanday Loplop kag Aserios sa Purok 1, Brgy. Maltana sa banwa sang Tampakan, dakpan ang suspetsado nga ginkilala kay Earlmark Belaza Aserios, Alias MACMAC*, *40-anyos, mangunguma kag residente sang Brgy. Maltana, Tampakan, South Cotabato. Nakumpiskar sa suspek ang sachet of suspected shabu nga may kabug-aton nga more or less one (1) gram kag nagakantidad sang Php 6,800.00.
Ang tatlo ang una na nga naaresto tungod sa pagbaligya sang ginadumilian nga droga.
Si Loplop ang naaresto sang PDEA sang Oktubre 2011 kag Earlmark Aserios ang naaresto naman sang December 2015, samtang ang manghod nga Aserios ang naaresto sang PNP sang March 2015.
Ginrelease naman ang tatlo sang 2019 paagi sa plea bargain agreement kag nagapabilin nga under probation, apang nagbalik ang mga ini sa ila illegal drug activities.
Kaso naman nga pagbayolar sa Article II of RA 9165 ang ginpasaka batok sa mga suspek.
