*General Santos City— Nagpabilin ang direktiba ni Gensan City Mayor Ronnel Rivera ngadto sa kapulisan ug militar nga sulbaron ang tanang kaso sa krimen sa dakbayan hilabina ang mga pagpamusil-patay.*
*Sumala niya nga base sa report nga gipa-abot kaniya sa walo ka mga presinto sa kapulisan sagad sa mga motibo sa patay mao ang personal grudge.*
*Apan alang kaniya nga unsa pa man ang motibo sa krimen, kinahanglan gyud nga sulbaron ug hatagan ug hustisya ang mga biktima.*
*Dugang pamahayag ni Mayor Rivera nga kung basihan ang datus, dili lang karon nagakahitabo ang mga patay ingon man ang kaso sa riding in tandem.*
*Rason nga lakip sa iyhang mga nakit-ang solusyon mao ang pagpakusog sa police visibility hilabina nga sa mga lugar nga ngit-ngit ug ang padayong intel monitoring aron nga madakpan ang mga tawong responsable sa maong mga krimen.*
*Iyaha man usab gilauman nga adunay mga himuong inobasyon ang kapulisan sa pagbantay sa siguridad hilabina nga hinay-hinay ng napun-an ang ilahang mga police asset.*
