2 ka suspetsadong tulisan ug carnaper-sikop sa South Cotabato

21

South Cotabato—Sikop ang duha ka suspetsadong responsible sa pagpangarnap ug pagpamusil sa usa ka collector sa Barangay Talobo, T’boli, South Cotabato niadtong nakalabayng simana.

Mga dinakpan giilang silang si Jovanni Tanggan Yan ug Jimboy Sanang Abdul.

Una nang gitulis, giilugan pa ug motor ug gipusil ang biktimang si Glen Goliman, collector sa usa ka Micro Finance Company sa may Barangay Talobo niadtong Pebrero 14.

Samdan ang biktima sa iyang tiil, tyan ug likod kansa gidala dayon sa usa ka pribadong ospital sa Koronadal City, samtang ang T’boli PNP naghimo dayon ug hot pursuit operation aron madakpan ang duha ka mga suspetsado.

Unang narekober sa Banana Plantation sa Banga South Cotabato ang motorsiklo sa biktima. malampuson usab nga natoltolan sa kapulisan ang nahimutangan sa duha ka mga suspek maong sila gipangsikop.

Kasong robbery with intimidation against person ug carnaping ang kasong gipasang-at sa T’boli PNP batok sa mga suspetsadong balhog karon sa silda sa T’boli PNP.

Facebook Comments