Tatlo ang patay matapos nga nagbungguanay ang ginasakyan nga motorsiklo sa dalanon sang Prk. Twin river East, Barangay Sto. Nino, Koronadal City pasado alas 11 sang gab-i sang Pebrero 27, 2019.
Ginkilala ang mga nabawian sang kabuhi kanday Mchern Vitar, 21-anyos kag Kenneth Peril, 20 -anyos pareho residente sang President Quirino, Sultan Kudarat kag Louie Jay Debil, 35- anyos kag residente sang Barangay Zone III, Koronadal City.
Samtang, pilason naman si John Michael Dela Cruz, 30 – anyos kag residente sang Urban Dos, Barangay Sto Niño.
Sa imbestigasyon ginasubay ni Debil provincial road padulong sa isa ka barangay sakay sa iya Suzuki Raider nga may plaka 5121 MJ upod ang abyan nga si dela Cruz , sang nakabunggo sa nasugata nga Kawasaki Bajaj nga may plaka 1201-3725645 nga ginamaneho ni Kenneth Peril upod ang backrider sini nga si Mchern Vitar.
Tungod sa makusog nga impact sang pagbungguanay nakaangkon sang malala nga pilas ang mga biktima sa mga nagkalain-lain nga parte sang ila nga lawas nga nangin tunaan sang ila hinali nga kamatayon.
Posible naman suno pa nga hubog ang mga biktima sang nagluntad ang insidente.
credit to PRC South Cotabato
