3 Patay sa pagpamusil sa Talisay

3056

Tulo ang namatay sa nahitabo nga pagpamusil sa Lawaan 3 , dakbayan sa Talisay .

Ang kapitan sa Lawaan 3 nga si Jimmy Bartelic ug Jed Virgil Ybañez unang namatay human sila gipusil sa ama-ama ni Jed nga si Den Torrefranca , nga usa ka retiradong U.S. Marine.


Si Torrefranca gireklamo ni Ybanez ngadto ni Kapitan Bartelic kay gusto nilang papahawaon sa ilang pinuy-anan ang suspek ingon man bawion ang mga kabtangan sa iyang inahan nga si Delia Ybañez Torrefranca , kanhi kapitan sa Lawaan 3 ug namatay na sa sakit niadtong niaging buwan .

Si Ybanez-Torrefranca asawa ni DenTorrefranca apan wa silay anak .

Samtang ang biktima nga si Jed Ybanez , anak ni Delia sa una niining bana .

Si Jed nakighusay sa iyang ama –ama nga mao ang suspek ngadto ni Kapitan Bartelic apan wa sila nagkasinabot atol sa hearing hinungdan nga giadto nila sa panimay suspek aron pugson pagbukas sa vault .

Apan pag-abot nila sa panimay ni Torrefranca nagsul-oib na kini ug full battle gear ug gipamusil ang duha ka biktima .

Ang kapolisan nirespondi dayon sa maong dapit , apan gisunog ni Torrefranca ang pinuy-anan niini ug nakigpinusilay pa sa mga polis.

Kapin sa usa ka oras nga nilanat ang binakbakay ug nakit-an na lang si Torrefranca nga wa nay kinabuhi sa ikaduhang andana sa pinuy-anan .

Gitino kung namatay ba siya sa pagkapoot sa aso o naigo kini sa bala samtang nakigbinakbakay sa kapolisan .

Facebook Comments

From Advertisers