Sa interbyu sa DXDC RMN Davao kang Police Lieutenant Colonel Kristopher Sabsal, Chief of Police sa Sta. Cruz Municipal Police Station (MPS), gisaysay niini nga padulong Digos City ang kotse nga gimaneho ni Carmilo Occida, 35 anyos, taga General Santos City ug ang truck nga gimaneho ni Conrado Jumarito nga taga New Corella, Davao del Norte. Samtang padulong og Davao ang pick-up nga gimaneho ni Jade Sundian sakay ang mga pasahero nga si Joshua Ligaria ug 3 pa ka kaubanan niini.
Nahitabo ang aksidente sa dihang kalit nga miliko sa pikas lane ang pick-up ug nakasugat niini ang duha ka sakyanan rason sa pagkabangga.
“Upon reaching the said place of incident sa Barangay Astorga, vehicle 2 swerved to another lane hitting vehicle 1 and vehicle 3. As a result, the driver of v2 and one of his passengers were dead on the spot,” saysay ni Sabsal.
Dali usab nga gidala sa ospital ang laing tulo ka pasahero sa pick-up nga dili na mahitsura tungod sa kakusog sa impact sa disgrasya.
Padayon pa karon nga giimbestigahan sa awtoridad ang panghitabo ug kung unsa ang mamahimong kasabutan sa mga nalambigit sa aksidente.
RadyoMaN Kirby Manzon
