3-sikop sa drug operation sa Gensan

42

General Santos City—sikop sa duha ka sunod sunod nga operasyon sa kapulisan ang tulo ka mga suspetsadong lambigit sa iligal nga druga nga gipahigayon sa Barangay Tambler ug Barangay South ning syudad.

Unang nasikop si Jesriel Encarnacion, 28, residenti sa 5th Road, Barangay Calumpang. Ala 1:00 ang takna sa kaadlawon dihang gipahigayon ang Buybust Operation sa panimalay niini nga miresulta sa pagkasikop sa nahisgutan human kini napalitan ug 1 ka sachet sa gituohang shabu sa sakop sa Tambler PNP gamit ang P500.00 nga marked money.

Sunod nga nadakpan ang duha ka mga suspek nga silang si Jamil Molok, legal age, ug Abdul Paidumama, 38, residenti  sa may Mansanitas St., Barangay South.

Alas 3:00 ang takna sa kabuntagon dihang gi-served sa kapulisan sakop sa Regional Drug Enforcement Unit (RDEU) ang 11 ka mga search warrant sa ilang mga target nga miresulta sa pagkasikop sa duha ka mga suspek human silang nakuhaan ug shabu.

Ang 11 ka mga target sa search warrant ang mga kanhi nang napailawom sa Oplan Tokhang sa kapulisan kansa namalik sa ilang operasyon human sa pipila lang ka bulan nga pag-laylo sa ilang iligal nga aktibidad. Hinuon 9 ka mga target ang nag negatibo ug duha ra ang nagpositibo.

Gibutyag ni Police Supt. Maximo Sebastian, labaw sa RDEU nga ila gihapon nga imonitor ang mga nag negatibong target aron nga masiguro nga dili na mamalik sa iligal nga druga ang mga nahisgutan.

Kasong paglapas sa RA 9165 (Comprehensive Dangerous Drug act of 2002) ang atubangon sa duha ka mga suspetsado.


 

 

 

Facebook Comments