General Santos City–Gipaabot nalang karon sa Police Station 4 nga magpakanaog ug commitment order ang korte batok sa 3 ka mga suspect nga unanang nasikop tungod sa warrant of arrest sa kasong murder nga walay girekomenda nga pyansa.
Nasayran nga nagpahigayon ug operasyon ang Police Station 4 batok nilang John Philip Damiles, Jason Damiles ug John Michael Damiles nga pulos residenti sa Barangay Mabuhay ning syudad human masayran nga nagtaguan sa maong lugar.
Nasikop ang mga nasangpit alas 10:00 sa buntag pinasikad sa warrant of arrest sa kaso nga murder nga gipakanaug sa sala ni Hon. Judge Joyce Kho Mirabueno sa RTC Br-58 niadtong Nov. 15, 2018 ug walay girekomenda nga pyansa.
Sa kasamtangan nagtingkagol ang mga nahisgutan sa selda sa Police Station 4. (Dave Silagan)
