General Santos City–Malampusong nasikop sa hiniusang pwersa sa Police Station 4 ug Tambakan Municipal Police Station ang usa ka Anthony Patiga, 30 anyos nga nanimuyo sa Purok-B Barangay Bagangga, Davao Oriental ug Temporaryong nanimuyo sa Aparente St. Barangay San Isidro ning syudad human nga gialigaran nga nang lugos ug 13 anyos nga bata.
Sumala pa ni Police /Capt. Davies Dulawan ang hepe sa Police Station 4 nga nahidangat matud pa sa ilahang opisina ang biktima uban ang ginikanan niini ug ang WCPD sa Tampakan Municipal Police Station human nga misumbong matud pa sa iyahang inahan ang biktima nga gilugos kini sa suspect.
Niadto matud pang milabay nga adlaw gibuhat sa suspect ang pagpanglugos sa mismong bunk house niini kung asa dinhi man usab kini masikop human nga positibong gitudlo sa biktima.
Sa karon gipaabot nalang sa Police Station 4 nga ang resulta sa medical examination sa biktima aron sayron kung nahilabtan sa suspect ang bata. Nasayran nga hugtanong n anghimakak ang suspek sa aligasyon sa kabanay sa 13 anyos.
Kasong rape in relation to RA 7610 kon Child Abuse ang posibling atubangon sa suspect kansa balhog karon sa silda sa kapulisan.(Dave Silagan)
