Ayon sa Dagupan City Police Office o DCPO, isinagawa ang operasyon dakong alas-11:58 ng gabi ng pinagsanib na pwersa ng City Police Drug Enforcement Unit, City Intelligence Unit, Police Station 3 at PNP-DEG SOU1, sa koordinasyon ng PDEA-RO1.
Nasamsam mula sa suspek ang dalawang heat-sealed transparent plastic sachet na naglalaman umano ng hinihinalang shabu na may tinatayang bigat na 5.5 gramo at standard drug price na 37,400 piso.
Nakuha rin sa operasyon ang iba pang ebidensya.
Isinagawa naman on-site ang inventory at pagmamarka sa mga nakumpiskang ebidensya sa presensya ng suspek at mga kinakailangang saksi, alinsunod sa mga itinakdang pamamaraan sa ilalim ng Republic Act 9165 o Comprehensive Dangerous Drugs Act of 2002.
Matapos ang operasyon, dinala ang suspek sa Region-1 Medical Center sa Bonuan Binloc, Dagupan City para sa medical evaluation bago inilipat sa DCPO headquarters.
Kasalukuyang nakapiit ang suspek sa DCPO Custodial Facility habang inihahanda ang mga kasong paglabag sa RA 9165 para sa inquest proceedings sa korte. | 𝙞𝙛𝙢𝙣𝙚𝙬𝙨𝙙𝙖𝙜𝙪𝙥𝙖𝙣
