300-mil hangtud tunga sa milyon ka pesos, gitanyag ni Gov Emano sa makatudlo sa suspek nga mipatay ni Kapitan Miral

Nagtanyag og ganti nga mokabat sa 300-mil hangtud tunga sa milyon ka pesos si Gov. Yevgeny Emano sa kinsa mang makatudlo sa mipatay kang Kapitan Claver Miral sa Napaliran, Balingasag, Misamis Oriental.

Gipaabot na lang niini ang kompletong report ni Police Col. Rolando Destura, ang Provincial Director sa Misamis Oriental Provincial Police Office.

Matud sa gobernador nga dili niya boot unhan ang imbistigasyon sa kapolisan.

Mahinumduman nga gikan sa birthday si Kapitan Miral dihang pag-uli na niini gipusil siya pag-abot sa Puntagorda sa barangay Hermano human gitaparan sa wala mailang suspek nga naka-motorsiklo.