NAKATAKDANG mang-apod-apod ang Provincial Government of Bukidnon sa dugang pondo alang sa kalambuan sa syudad ug lungsod sa Bukidnon, sulod ning tuig 2021.
Sa interview sa RMN Malaybalay ngadto kang Hansel Echavez, ang head sa Bukidnon Public affairs, Information and Assistance office gibutyag niini nga nakatakda kining mo-apod-apod ug dugang pondo, nga pagalangkuban sa mga mosunod:
1. ₱30-Million matag syudad/lungsod alang sa ilang infrastructure projects;
2. ₱1-Million matag barangay alang usab sa gilantaw nga proyekto sa 464 ka mga barangay sa Bukidnon;
3. ₱700-Million alang sa mga mag-uuma sa ilang libre nga binhi sa mais ug abono;
ug 4. ₱300-Million alang sa pagpalit sa vaccine kontra COVID-19 diin sa mao nga kantidad gibana-banang anaa sa 1.2 milyon ka populasyon sa Bukidnon ang mabakunahan.
