Patay ang 31 anyos nga lalaki sa gipahigayong buy bust operation sa Zone 5, Sitio Pulot Baluarte, Tagoloan, Misamis Oriental mga alas 12:05 kaganihang kadlawon.
Kini nailang si Bayani Razalo Abasola, residente sa nasangpit nga dapit.
Matud ni SPO4 Edio, Deputy Station Commander sa Tagoloan Municipal Police Station nga atol sa gihimong buy bust operation sa mga ginsapan sa PDEU sa pagpanguna ni PCI Esperidion Biado ug Tagoloan Municipal Police Station sa pagpanguna ni PCI Allan Oniana nga nakamalay kining suspetsado nga polis iyang ka transak, midagan kini sa ilang balay dayon kuha og granada rason nga gi-unhan kinig pusil sa mga pulis.
Gibutyag usab ni SPO4 Edio nga napalitan kinig usa ka sachet sa shabu gamit ang 500 pesos nga buy bust money ug nakuha usab sa iyang posisyon ang pito ka sachet nga adunay sulod sa gitoohang shabu.
Usa ka samad pinusilan sa nawong usab ang naangkon niini.
Samtang ang patayng lawas niini ang gipahiluna na sa iyang pamilya sa Bollozos Funeral Homes.
