Malampuson nga nadakpan sa kapolisan sa lungsod sa Tagoloan Misamis Oriental, ang usa ka lalaking nag-atobang sa kasong pagpanglugos sa Manolo Fortich Bukidnon.
Matud ni Tagoloan Chief of Police Chief Inspector Albart Tare, nga ang suspek naila nga si Nataniel Ebana, 32 anyos, taga Zone 10-A Sihayon Santa Cruz Tagoloan Misamis Oriental.
Nasayran nga nasikop si Ebana pinaagi sa warrant of arrest nga giisyu ni Judge Jeanne Marie Sabio, ang Regional Trial Court branch 11, sa Manolo Fortich Bukidnon.
Karong buntag, gitakda nga dad-on ang suspek sa Manolo Fortich Bukidnon, aron ipaatubang sa sala ni Judge Sabio.
Facebook Comments
