General Santos City—patay ang usa ka 33 anyos nga lalaki human gidunggab sa wala mailhing suspetsado samtang kini nagbaktas sa may Fil-am Road, sakop sa Barangay Tambler ning dakbayan ala 1:30 ang takna sa kaadlawon.
Biktima giilang si Abdul Racman Ali Alaiden, 33, residenti sa Purok Maguindanao, Barangay labangal Gensan.
Subay sa inisyal nga imbistigasyon sa Police Station 5 nasuta nga samtang nagbaktas ang nasangpit sa may Fil-am Road, kalit lang kining giduol sa wala mailhing suspek dayon gidunggab pila ka higayon igo sa iyang lawas.
Paspas nga nanibat ang mga suspek sa wala sayring lugar samtang ang biktima daling gidala sa Gensan Medical Center nga nahimutang sa Barangay Calumpang apan gideklara kining dead on arrival.
Sa karon naglusad na ug makuting imbistigasyon sa Police Station 5 kalabutan sa nasampit nga insidenti.
