General Santos City—Patay ang usa ka 33 anyos nga lalaki human nga gipusposan ug tubo sa iyang kaubanan sa inum sa may Purok Dacvill, Barangay Mabuhay, Gensan alas 4:00 pasado ang takna sa hapon sa nakalabayng adlaw.
Biktimang namatay nailang si Ronald Blasé, 33, residenti sa Dacera Comp., Purok 14, Barangay Mabuhay, samtang suspek giilang si Teting Guilla, legal age, residenti sa Dacvill, Barangay Mabuhay, Gensan.
Sumala sa testigong si Reneden Salaveria, nag inum matud pa sila sa maong lugar dihang nangahubog nagkalalis ang suspek ug usa pa ka kainum.
Nipatunga ang biktima aron nga uwangon ang bingkil sa duruha apan inay mutuo nikuha na nuon ug tuto sa ilang balay ang suspek dayon gibunalan ang biktimang si Ronald.
Nadala pa sa ospital ang biktima apan gibakwian gihapon kini s aiyang kinabuhi. Sa karon padayon pang gipangita sa kapulisan ang suspetado kansa padayong gawasnon human nakasibat human sa insidenti.
