Tabina, Zamboanga del Sur – Nadakpan sa tropa sa kapulisan sa lungsod sa Tabina ang 33 anyos nga mananagat dihang gilusad ang police operation sa Purok Bomba, Barangay Mabuhay, Tabina, Zamboanga del Sur alas 4:30 sa hapon.
Giila ang nasikop nga si Abondio Baroro Jr., mananagat ug residente sa nahisgutan nga lugar.
Ang pagdakop sa akusado gipasikad sa Warrant of Arrest sa kasong Unauthorized Commercial Fishing nga gipagawas ni Judge JOHNABEL TABUNDA, sa 7th Municipal Circuit Trial Court, Dimataling, Tabina ug Pitogo, Zamboanga del Sur.
Gitugan sa korte nga makagawas ang dinakpan kun makapyansa sa kantidad 4,000 ka pesos.
Ang naaresto gipaslak na sa Tabina Municipal Police Station samtang naghulat sa sunod nga lakang sa korte.
Facebook Comments
