33 anyos, patay human malatayan sa trak sa Agusan Highway

42

Patay ang usa ka 33 anyos nga lalaki human nga malatayan sa trak sa Zone 4-Barangay Agusan ning syudad kagabei.

 

Matud ni Police Captain Mario Mantala-ang Hepe sa Police Station 6 Puerto biktima naila nga si Gerardo Pagupat Jr, taga Mambayaan, Balingasag, Misamis Oriental.


 

Nasayran nga na sideswipe sa usa ka wing van nga kolor silver ang biktima samtang sakay kini sa iyang pula nga motorsiklo.

 

Human sa hitabo, misibat ang wing van padulong sa sentrong bahin ning syudad.

 

Tungod niini, gihangyo karon ni Captain Mantala ang mga nakakita sa hitabo nga moreport sa police station aron nga madakpan ang suspek nga nakapatay sa biktima.

 

Gihangyo usab ni Captain Mantala ang drayber sa Wing van nga mosurender o kaha sa pinakaduol nga police station.

Facebook Comments

From Advertisers