General Santos City—sikop sa operatiba sa Malapatan Municipal Police Station ang usa ka 33 anyos nga lalaki atol sa gihimong buybust operation sa may Purok 9, Barangay Poblacion, Malapatan, Sarangani Province.
Giila ang suspek nga si Michael Sumilang, 33, residenti sa Purok 2, Barangay Poblacion.
Ala 1:20 ang takna sa hapon dihang gilusad ang buybust operation batok sa suspek nga miresulta sa pagkasikop niini human napalitan ug (1) ka sachet sa gituohang shabu gamit ang Marked Money kantidad ug P500.00.
Samtang laing (2) pa ka sachet sa gituohang shabu ang narekober sa kapulisan dihang gihimo ag pagkapkap sa lawas sa nasangpit nga suspek.
Kasong kalapasan sa R.A 9165 ang gikatakdang atubangon sa nasangpit kansa balhog na karon sa silda sa Malapatan Municipal Police Station.
