General Santos City—dakpan sa tropa sa Police Station 5 ang usa ka sikad driver atol sa gilusad nga buy-bust operation sa area sa Purok Placida, Barangay Calumpang, Gensan alas 3:10 ang takna kagahapong adlawa, Pebrero 22, 2018.
Suspek giilang si Genilito Cabigas, 39, residenti sa Zone 10, Barangay Fatima, Gensan. Nasikop ang nasangpit human kining napalitan ug (1) ka sachet sa gituohang shabu gamit ang P500.00 nga marked money.
Subay sa report sa Police Station 5, dugay na nilang namonitor ang illegal drug activity sa nasangpit nga suspek sa ilang area of responsibility mao nga ilang gipahigayonan ug operasyon.
Hugtanon usab nga gihimakak sa suspek nga siya naggamitan ug namaligya ug iligal nga droga. Sumala niini nga ang shabu nga nakuha sa iyang posisyon sa tropa sa kapulisan iyang ginagamit matud pa sa iyang damang.
Matud pa nga aron moisog ang iyang damang, iyang ginapasuyop ug shabu, butang nga gikataw-an ra sa kapulisan.
Sa karon ang suspek balhog na sa silda sa Police Station 5 ug gikatakda kining pasakaan ug kasong paglapas sa R.A 9165.
