Nagalab-ot sa masobra P1.9 million ang ginhatag nga financial, reintegration, livelihood kag immediate assistance lakip na ang sa firearm remuneration sa 33 ka mga former rebels sa South Cotabato nga nagsurender sang nagliligad nga tinuig sa ginpatigayon nga awarding ceremony sa mga ini kahapon nga adlaw.
Sa nasambit nga numero 21 ka mga former rebels ang nakabaton sang financial assistance nga P15k halin sa provincial government sang South Cotabato kag sa firearm remuneration 12 ang nakabaton sang cash assistance.
May-angot sini, nagalab-ot sa masobra P500k ukon tunga sa milyon ka pesos ang nabaton sang duha ka mga former rebels lakip na ang ila nga reintegration, immediate kag livelihood assistance subong man sa firearm remuneration.
Ginpahayag sang mga ini nga nagsurender sila tungod nakapoy na sila sang ila pangabuhi nga nagapanago kag mapatay kon padayon nga makig-away sa gobyerno.
Ginpasiguro naman sang mga former rebel’s nga seryoso sila sa pagbalik sa sabak sang gobyerno kag gamiton sa tama ang nabaton nga assistance agud nga tigayon na nga magbag-o kag pangabuhi.
Nahibaluan nga ang paghatag sang ayuda sa mga former rebels ang sa idalom sang Enhanced Comprehensive Local Integration Program sang Department of Interior and Local Government kag Provincial Government sang South Cotabato.
