Mokabat sa 332, ka mga Police ning syudad sa Cagayan de Oro, ang napa-ilawom sa surprise drug test kagahapong adlawa.
Ma-o kini ang gibutyag ni Chief Inspector Mardy Horillosa nga spokesman sa Cagayan de Oro City Police office.
Matud ni Hortillosa, nga ang maong surprise drug test, gipahigayon sa New Maharlika Building sa cocpo, nga nahimotang sa barangay 40 ning syudad.
Dugang pa ni Hortillosa, nga ang maong drug test gimando ni city director, Senior Supt. Roy Bahian.
Nasayran nga buot Bahian, nga ilang masuta, kon duna bay police cocpo, nga nag-gamit sa illegal drugs.
Matud ni Hortillosa nga ma-o na kini ang ika duhang surprise drug testing sa cocpo, nga tipik sa ilang internal cleansing campaign sa kapolisan.
Gipasabot ni Hortillosa, nga sa dili madugay, ipagawas sa PDEA ang resulta sa maong drug test, aron pagsusi kon na-a bay police ning syudad nga nag-gamit sa illegal drugs.
Giklaro ni Hortillosa nga kadtong police cocpo nga makita-an nga naggamit sa illegal drug, sigurado nga ma-dismiss sa ilang katungdanan.
