335 sweeper flight pax pasado sa health screening

Davao City – Walay nibagsak sa health screening sa mga pasahero sakay sa tulo ka sweeper flights kagahapong adlawa, May 25, 2020.
Kini ang gikumpirma ni Davao City Mayor Sara Duterte-Carpio sa usa ka radio interview karong hapon.

Segun sa alkalde nga pasado sa health screening ang 335 ka pasahero’ng sakay sa maong sweeper flights.

“Tulo kabook flights ang niabot kagahapon. Sa isa ka flight we had 117. Next flight was 43. Ang next flight was 175. So mao na sya ang total and walay nibagsak sa ilaha sa health screening,” segun sa alkalde.


Gitataw sa mayor nga adunay mga nabilin pa nga mga pasahero dinhi sa Davao City gumikan kay wala pa silay sundo padulong sa ilang probinsya.
Gawas sa taga Davao region, pipila sa nahisgutan naggikan sa North Cotabato, Maguindanao ug Surigao.

Gi-akomodar usab sa syudad ang nahisgutan pinaagi sa pagpa dayon kanila sa pasilidad dinhi sa dakbayan.

RadyoMaN Kirby Manzon

Facebook Comments