34 anyos na-missing sa kadagatan human nilukso sa gisakyang lantsa

Davao City – Wala gihapon makaplagi human mahanaw sa kadagatan ang usa ka 34 anyos nga lalaki pasado alas 2:00 sa hapon adlawng Dominggo Enero 22, 2023.

Gibutyag ni Ens. Vasit Venturillo, Coast Guard Station IGACOS Commander, ang biktima giilang si Jun Rex Timtim, nga taga- Zone 5 north San Juan, Brgy Centro Agdao Davao City.

Ang biktima alegasyong niambak sa dagat aron maligo samtang wala pa makaabot ang ilahang lantsa sa Brgy. Limao, Samal.

Tungod sa kakusog sa sulog sa tubig nahanaw kini.

Sumala ni Venturillo, nilusad sila’g search and rescue operation apan temporaryong gihunong na kini pasado alas-6:00 sa gabie ug ipadayon ang pagpangita buntag karong adlawa Lunes.

Kauban sa biktima ang iyahang asawa ug kabanay nga mangaligo unta’g dagat sa Samal human mahitabo ang insidente.

Nanawagan si Venturillo sa tanang mananagat ug katawhan nga ireport gilayon kanila kung makita nila ang biktima.

RadyoMaN Aimee Guinita