Nadala pa sa Southern Philippines Medical Center si Pablito Pareño, 71 anyos ug minyo apan dimalas kay gideklarang wala na’y kinabuhi sa doktor ang maong Lolo bandang 5:40 sa hapon.
Una niini, usa ka amahan nga si Alyas Sugie ang midangop sa Tugbok PNP nga iyang anak nga 11 anyos nga batang babaye gilugos ug gitinar ug ang naghimo niini mao ang namatay nga senior citizen.
Hinungdan wala maglangan ang Mobile #79 nga gipangunahan nila Police Staff Sergeant Duran, Police Staff Sergeant Lumanta uban ang Women and Children Desk Investigator Police Staff Sergeant Tamayo sa pagresponde ug pag-adto sa panimalay sa suspek.
Human positibo gitudlo sa amahan ang suspek imbis muuban nga malinawon nakigdumog kini ug gisuwayan pag-ilog ang pistola ni Duran, apan aksidente nakablit sa nasampit nga pulis ang trigger sa pistola resulta naigo ang lawas sa maong Lolo.
Ang Davao City Forensic Unit personnel sa pagpanguna ni PEMS Sherwin Valmores miabot sa lugar nakarekober og duha ka fired cartridges nga iya sa 9mm diin ang mga sakop sa Scene of the Crime Operatives XI mipahigayon sab og paraffin test examination ug gisusi ang lawas sa namatay’ng suspek nga gisaksihan ni Social Worker Fatima Faith Varron.
Ang SOCO nakarekober sab og mga kagamitan ug kwarta nga iya sa Lolong suspek sa lugos.
RadyoMaN Joel Viray
