General Santos City—Patay ang usa ka Niel Jason Jansaon Alias Jason Burne, 34 anyos, residenti sa Gensan Vill, Barangay Bula, Gensan human nga misukol sa kapulisan alas 12:00 ang takna sa kabuntagon.
Subay sa tala sa Bula PNP, ila lang unta nga i-serve ang warrant of arrest batok sa suspek diin unod niini ang kalapasan sa RA 9165 kon may kalambigitan sa iligal nga droga.
Bersyon sa PNP nga dihang giserve na nila nag search warrant kalit matud pang nikuha ug pusil ang suspek dayon gipabuto ngadto sa kapulisan apan swerting walay naigo, didto na miresbak ang kapulisan ug gipusil ang suspek igo sa nagkandaiyang parti sa kalawasan nga hinungdan sa iyang kamatayon.
Nasayran nga gidala pa sa ospital ang suspek apan gideklara kining dead on arrival. Nasayran nga unom ka mga igo pinusilan ang naangkon sa suspek.
Narekober sa lugar ang unom ka mga dagkong sachet sa gituohang shabu nga gibana-banaang mukantidad ug P140,000.00; P90,000.00 nga cash, (1) unit cal. 45 pistol, mga buhing bala, (1) fired cartridge sa cal. 45 ug (4) ka fired cartridge sa 9mm pistol ug mga drug paraphernalia’s.
Sa pakighinabi sa RMN Gensan ngadto sa inahan sa biktima, iyng gibutyag nga nakurat nalang sila dihang kalit gisulod sa kapulisan ang ilang panimalay. Hugtanon usab niining gihimakak nga mingsukol ang iyang anak ngadto sa kapulisan.
