Personal sab kini nga gitambungan ni Sheikh Mohamed Nagy Mohamed Abouatia, Executive Director sa AWN for Relief and Development Association Inc.; Davao City Muslim Affairs Office Chairman Deputy Mayor Gabriel Nakan; ug uban pang mga opisyal.
Sumala pa ni Nakan nga sa 34 ka benepisyaryo, lima niini gikan sa Christian community, ug ang uban gikan sa unom ka Muslim tribe sa dakbayan. Dugang pa niya nga ang mga napili gisala ug gilantaw kung kinsa ang labing nanginahanglan. Busa, pinaagi niining mga e-bike, gilauman nga makahatag kini og lig-on nga panginabuhian sa mga benepisyaryo alang sa pang-adlaw-adlaw nga panginahanglan.
Kinasing-kasing sab nga nagpasalamat si Johny G. Daurong, usa sa mga benepisyaryo, gumikan makatabang kini sa ilang pamilya, ingon man natunong sab kini sa pagsaka sa presyo sa petrolyo.
Samtang, sumala sab ni Executive Director Abouatia, nga gipili sab ang Davao City nga benepisyaryo sukad niadtong 2021 sa ilang mga programa aron matabangan ang mga nanginahanglan, ilabina sa panginabuhian.
RadyoMaN Kareen Beltran
