Detinado sa El Salvador City mini cell ang 35 anyos nga lalake human sa joint operation sa Pdea-10 ug kapolisan sa El Salvador nga giunhan ni Police Lt. Col. Randy Anito.
Gihimo ang maong operasyon ala 1:20 kagahapon sa kadlawon sa Zone 3, Barangay Kalabaylabay, El Salvador City.
Suspek mao si Ritchie Dadang, minyo ug residente sa maong dapit. Nakuha sa posisyon ni Dadang ang duha ka sachet sa gitoohang shabu lakip na ang 500 pesos nga buy bust money.
Si Dadang mag-atubang sa kasong pagsupak sa Republic Act 9165 section 5 ug section 11.
Facebook Comments
