Banga, South Cotabato–Patay ang usa ka biktima, human nga nalumos sa swimming pool sa Brgy. Cabuling, Banga, South Cotabato, alas 11:00 sa gabie niadtong nakalabayng adlaw.
Sa imbestigasyon sa Banga Municipal Police Station, giila ang biktima nga si Ever Sajo Dalen, 35-anyos, single, driver ug residente sa Brgy. Tereseta, Sto Niño, South Cotabato.
Sumala pa, ang biktima ang mitambong sa birthday party sa ilang manager uban ang mga co-workers diin nag-inum matud pa ang mga nasangpit atol sa party.
Nananghid matud pa ang biktima sa iyang mga kaubanan nga maligo sa swimming pool, apan human sa usa ka oras, namatikdan nalang sa iyang mga kaubanan ang biktima nga nalumos na sa swimming pool.
Gilayong gidala sa ospital sa Surallah ang biktima alang sa medikasyon, apan nakabsan gihapon sa iyang kinabuhi samtang gipailawom sa medikasyon.
