Estudyanteng babaye patay, samtang usa samdan sa pagpamusil sa Sultan Kudarat

49

President Quirino, Sultan Kudarat—Patay ang usa ka estudyanteng babaye samtang samdan ang kaubanan niini human gipamusil sa Barangay Tuato, President Quirino Sultan Kudarat.

Giila sa Pres. Quirino PNP pinaagi ni Police Major Samuel Dominggo ang biktima nga namatay nga si Jessa Mae Maputol, 19-anyos, residente sa Brgy. San Emmanuel, Tacurong City. Samtang ang samdan usa ka 16 anyos nga menor de edad.


Nasayran nga samtang anaa sa lugar ang biktima ug kaubanan niining menor de edad, kalit lang silang gipamusil sa suspek gamit ang 9mm nga armas.

Gidala pa sa ospital ang mga biktima, apan gideklarang dead on arrival si Maputolsamtang paspas usab nga misibat ang suspek human sa pagpamusil.

Narekober sa kapulisan sa crime scene ang lima ka basyo sa caliber 9mm ug duha ka cellphone.Sa karon nagpadayon ang gihimong imbestigasyon sa kapulisan kung unsa ang posibleng motibo sa pagpamusil ug posibleng responsable sa kremin.

Facebook Comments