Pagadian City – Malampuson nga nadakpan sa tropa sa kapulisan ang 36 anyos nga babaye nga nalutsan sa Warrant of Arrest atol sa gikasa nga manhunt operation sa tropa sa kapulisan ning syudad sa pagpanguna ni Psupt. Alvin Saguban ang hepe sa City Police Station.
Gilusad ang operasyon dihang dapita sa Purok Aquino, Brgy. Sto. Niño ning dakbayan alas 4:35 kagahapon sa hapon nga miresulta sa pagkasikop sa akusado nga si Merlita Balido Aying, dunay live-in partner ug residente sa nahisgutan nga lugar.
Ang pagdakop sa suspek gipasikad sa gahom sa warrant of arrest sa kasong paglapas sa Akta Republika 10175 kun Cybercrime Prevention Act nga dunay criminal case number 40388 nga gipagawas ni judge Gregorio Dela Cruz, sa Regional Trial Court, 9th Judicial Region, Branch 12, Zamboanga City.
Gitugatan sa korte nga makapyansa ang suspek sa kandtidad nga P72,000 alang sa temporaryo nga kagawasan niini.
