General Santos City—himas rehas na ang usa ka 36 anyos nga lalaki human nga nasikop sa gihimong buy-bust operation sa operatiba sa City Drug Enforcement Unit (CDEU) sa may NLSA Road, Barangay Lagao, Gensan alas 9:55 ang takna kagabie, Enero 19, 2018.
Suspek giilang si Larry Estrada Montaño, alias Larry, 36, residenti sa corner Champaca-Lapu lapu Street, Barangay East Gensan.
Nasikop ang nasangpit human kining napalitan ug (1) ka pakete sa gituohang shabu gamit ang P500.00 nga marked money.
Gawas sa napalit kaniya duna pay laing (1) ka sachet sa gikatahapang shabu ug weather pipe nga may mga residue sa shabu ang nakuha gikan sa posisyon sa suspek.
sa karon ang nahisgutan balhog na sa silda sa Police Station 3 ug giandam na ang pagpasang-at ug kaso batok sa nahisgutan karong adlawng Lunes.
