Davao City – Gipailawom sa profiling ang 105 ka mga indibidwal human gilusad ang ‘Oplan Bulabog Anti-Criminality Terrorism Clearing Operation’ sa pagpanguna ni Calinan PNP station commander PCI Michael Uyanguren alas 5:30 sa Lanzona Village, Calinan siyudad sa Davao.
Sumala ni Uyanguren nga 90 ka mga tawo ang adunay ID, 15 ang walay ID nga gipresentar, 8 ang nadakpan nga naisyuhan og Temporary Operation Permit (TOP) ug 6 ang naisyuhan og Citation Tickets kansan nakalapas sa balaud trapiko human gipahigayon ang Oplan Lambat Bitag Sasakyan.
Samtang sa Bunawan PNP, 57 ka mga indibidwal ang gibulabog diin 56 ang adunay ID ug usa ang wala sa 40 ka balay nga gipailawom sa profiling didto sa Km 24 Inabanga, Bunawan ning dakbayan.
Usa ang nadakpan nga naila sa pangalan Chan Ponteras Anonciado, hingkod ang edad, nagpuyo sa Purok 7 Patima Inabanga, Bunawan, nga adunay kasong attempted murder ug frustrated murder for 2 counts.
Gisugdan ang Oplan Bulabog alas 5:00 ug nahuman alas 7:00 sa buntag.
RadyoMaN Don Pulayao
