36 ka mga establishments ning syudad ang nasapon sa kapolisan sulod sa 24 oras nga police operation nga wala magpatuman sa social distancing.
Kini taliwala sa Executive Order ni Mayor Oscar Moreno, subay niining kampanya sa gobyerno batok sa Coronavirus Disease o COVID-19.
Matud ni Police Major Evan Viñas, Spokesman sa Cagayan de Oro City Police Office o COCPO nga wala dakpan sa kapolisan ang mga violators sa social distancing apan gipahimangnoan lamang nga sundon ang mando sa Mayor aron makalikay sa sakit nga COVID-19.
Gidugang ni Viñas nga mikabat sa 77 ka mga tawo ning syudad ang nadakpan sa kapolisan tungod sa curfew hour sulod sa 24 oras ug ang maong mga violators gidala sa COCPO Headquarters sa Barangay 40, ayha gibuhian.
Facebook Comments
