36 ka tourist destinations sa Silay City padayon nga sirado posible madugay pa magbukas

Padayon nga sirado ukon wala naga-operate ang kapin 36 ka mga resorts, coffee shops kag lodging houses nga yara sa area halin sa Brgy. Patag pakadto sa Brgy. Guimbalaon, Silay City kag posible madugayan pa ang pagbukas sini.

Ginpahayag nga ang amo nga mga istraktura ang ginakabig illegal sa diin nahamtang ini sa lugar nga sakup sang Protected Area sang North Negros Natural Park (NNNP) apesar nga ini ang tourist destinations sa Silay City.

Suno sa city government sang Silay nga naka-submit na sang ila letter of intent para sa application sa Special Use Agreement sa protected area sang NNNP ang mga tag-iya sang amo nga mga illegal structures.


Madumduman nga sadtong Agosto 10, 2020 ginpasira ang amo nga mga structures matapos ginpapanaug sang Silay City government ang cease and desist order batuk sa ila bangud man sang pila ka violations partikular ang kakulang ang nagakaigo nga permiso.

[image: image.png]

Facebook Comments