Nagpadayon ang kampayan kontra illegal nga droga sa probinsya sa Bukidnon.
Sa interview sa RMN ngadto kang PSI Jisell Longakit ang tigpamaba sa Bukidnon Provincial Police Office, gibutyag ninii nga base sa nakuha niyang datos anaa na sa 36 ka mga drug suspek nga gi-ingong nanukol sa lehitimong anti illegal drug operations ang napatay sukad nga gipatuman ang war on drugs kaniadtong Hulyo 2016.
Sa mao nga ihap, 4 ang napatay niini lamang bulana sa Seytembre.
Gidepensa usab ni Longakit kung nganong daw nilaylo ang kapulisan sa pagpahigayon ug subsob nga anti illegal drugs operations.
Katarungan ninii nga gamay na lang karon ang apil sa ilang drug list, tungod kay nitahan na kini sa Oplan Tokhang.
Apan padayon matud pa ang ilang pagpahigayon ug operasiyon hangtod aduna pay madugang sa ilang listahan sa nalambigit sa mao nga illegal nga aktibidad.
