General Santos City—Wala na nakaabot pang buhi sa Malungon, Municipal hospital ang usa ka 38 anyos nga biktima sa pagpanunggab nga taga Sitio Kitacal, Barangay Malalag Cugon, Malungon, Sarangani Province niadtong nakalabayng adlaw.
Giila ang biktima nga si Danilo Melod, 38, residenti sa samang lugar.
Nasayran nga alas 5:00 ang takna sa kaadlawon dihang nakaplagan nalang sa iyang kabanay ang biktima duol sa ilang panimalay nga naligo sa iyang kaugalingong likedo.
Gilayon nila kining gidala sa ospital apan gideklara kining dead on arrival. Nasayran nga adunay samad dinunggaban ang biktima sa iyang lawas nga maoy hinungdan sa iyang kamatayon.
Sa karon ginasuta pa sa kapulisan kung si kinsa ang responsabli sa krimen.
Facebook Comments
