Gibuksan kagahapong adlaw sa Kaamulan Folk Art Theater ning siyudad sa Malaybalay ang 3rd Provincial Rescue Olympics sa probinsya sa Bukidnon.
Kini alayon sa selebrasyon sa National disaster resilience month, nga adunay tema nga “Kahandaan Sa Sakuna’t Peligro Para Sa Tunay Na Pagbabago,”.
Ang 3rd Provincial Rescue Olympics gisugdan kagahapon ug mulungtad sa Hulyo 26 ning tuiga.
Apil sa mga nisalmot ang mga responder sa 20 ka mga local government unit kon LGU’s sa Bukidnon sa mao nga Rescue Olympics kung asa nagpakita sa ilang kaya ug abilidad sa pagresponde sa nagkadaiyang sitwasyon sama sa Water Search and Rescue, High angle Rescue, ug Fire and Vehicular Accidents).
Sa iyang mensahe gibutyag ni DILG PD Carmelo Enrique Libot, gipahalipayan niini ang probinsya sa Bukidnon tungod sa padayon nga pagpahigayon ug mga kalihukan nga magpalambo sa mga kaya ug abilidad sa mga responders.
Giklaro niini nga ang Rescue Olympics dili usa ka kompentensiya sa mga responders kon dili usa ka pagpakita sa ilang lebel sa kamaayo ug kahibalo sa pagresponde sa kalamidad.
Gisuta ni PD Libot nga ning panahon sa ting-ulan, mahinungdanon kaayo ang pagpangandam ug kasayuran aron masiguro ang xero casualty panahon sa kalamidad ug trahediya sa probinsya.
Nasayran nga ang Rescue Olympics gipangunahan mismo ni Office of the Civil Defense OCD Region 10 Regional Director Rosauro Arnel Gonzales Jr, uban sa panggagamhanang probinsyal sa Bukidnon ug mga miyembro sa Provincial Disaster Risk Reduction and Management Council.
Sa iyang mensahe gidayeg ni Dir. Gonzales ang probinsya sa Bukidnon sa paningkamot niini nga nagresulta sa pagkadaug sa Gawad Kalasag sa Provincial Category sulod sa lima ka mga probinsya sa rehiyon 10.
